بالعادة ما بحب اكتب بالعربي مش لاني ما بحب اللغة العربية بالعكس انا بجدها من اجمل اللغات في العالم وهادا مو تعصب بس هيك بشوفها جميلة بكل شيء بس لان ما بعرف اكتب بالفصحى وهاي مشكلتي مو مشكلة اللغة على العموم قررت اكتب بالعربي واحاول اني انتقي مفرداتي والتزم بقواعد اللغة العربية على قدر الامكان. الموضوع اللي حبيت اكتب عنو اجتني فكرتو البارحة قبل ما انام كنت بستمع لبرنامج مسجل على الكمبيوتر بناقش الوحدة وملئ الفراع، سالت حالي ليش الواحد بيشعر بالوحدة ليه صار مفهوم انك وحيد انك ما معك حد يعني ما حد جالس معك في كتير ناس بكون معهم ناس اخرين وبتسالو بيحكيلك بشعر بالوحدة! هل الوحدة معنها عدم وجود شخص معك تانس به اذا هيك معنها ما حد وحيد لان انت فعليا مو لوحدك انت مع نفسك ليش كل مرة بتحاول نفسنا تختلي فينا بنزهق وبنلاقي شي يشغلنا عنها ليش صرنا انخاف انكون مع انفسنا لوحدنا. متى اخر مرة جلست فيها لوحدك مع نفسك وتحدثت اليها؟ بنروح على الدكتور او علي اي مكان بنقعد نستنى ربع ساعه او عشر دقائق برة بنزهق وبنمل او بنلتهي بالموبايل او بمجلة. بطلنا انفكر بانفسنا صار الواحد فينا يخاف يجلس مع نفسو صار يخاف من مفهوم انا ونفسي بمواجه الزمان؟ هل صارت انفسنا عدوتنا وبنتهرب منها؟ طيب هادا الفراغ اللي بتحكي عنو مش من عمرك يعني هلا انت (ولد اوبنت رجل او امراءة) جالسين في البيت او في الغرفة وحاسين بفراغ او ماللين بدور على شي يشغلك او زي ما بنحكي انمضي وقت او انضيع وقت طيب مش هادا الوقت اللي بدنا انضيعو من عمرنا؟!! هلا فكرو معي من الصبح لحد ما نروح انام شو بنعمل كيف بنمضي الوقت كم من ٢٤ ساعة اعطيت لنفسك متى اخر مرة هيك فتت على غرفتك او جلست بسيارتك او اتمشيت وصرت تحكي مع نفسك وتتناقشو مع بعض تسالها شو بدها شو طموحها لوين رايحين شو في عندكم مشاكل هلا اكيد بتحكي هالبني ادم انجن او انفصم بدو مني اصير احكي مع حالي زي المجانين، ليش مين حكالك انو المجانين بيحكو مع حالهم انا بتحداكم تقومو على غرفتكم او على ايا مكان تكونو فيه لوحدكم وتحكو بين نفسكم بدي اكون انا ونفسي ٥ دقائق بدون ما افكر بشي تاني ولا اي شي برة بس افكر بنفسي وبحالي بتتتخيل قديش بتقدر تقعد بدون ما شي تاني يخطر ببالك غير نفسك؟ راح اترك الجواب لالكم. لو مدمن المخدرات قعد لحظه مع نفسو وشافو مع بعض لوين صارو كان بوقف عن التعاطي وقيس على هاذا المثال كل شيئ.
بتخيل بهادا الزمان انسينا حالنا وبطلنا انفكر ونتامل بحالنا وين صرنا وصار الواحد فينا يخاف يكون مع نفسو ولو لحظات وصرنا انخاف انواجه انفسنا او حتى نسمع لها وهاي بتخيل انها مشكلة كبيرة وعقاب كبير انو الواحد ينسى حالو